Türkiyə Vahid Avro Ödəniş Bölgəsinə qoşulmaq niyyətindədir

Türkiyə Avropa Ödəniş Şurasına (EPC) məktub göndərərək Vahid Avro Ödəniş Bölgəsinə (SEPA) qoşulmaqda maraqlı olduğunu bildirib.

Bu barədə Avropa İttifaqı (AB) və Türkiyə arasında yüksək səviyyəli iqtisadi dialoqdan sonra Aİ-nin Türkiyədəki Nümayəndəliyinin saytında dərc olunmuş birgə bəyanatda bildirilib.

Tərəflər qeyd ediblər ki, Türkiyənin SEPA-da potensial iştirakı daha sürətli, daha təhlükəsiz və daha səmərəli sərhədyanı ödənişləri asanlaşdıracaq və Ankara ilə Avropa arasında ticarət və investisiyaların artmasına kömək edəcək.

İstanbulda keçirilən iqtisadi dialoqa Avropa İqtisadiyyat Komissarı Valdis Dombrovskis və Türkiyənin Maliyyə və Xəzinədarlıq Naziri Mehmet Şimşek həmsədrlik ediblər. Avropa İnvestisiya Bankının, Avropa Yenidənqurma və İnkişaf Bankının (AYİB) və Avropa Şurası İnkişaf Bankının nümayəndələri də iştirak ediblər.

Birgə bəyanatda vurğulanır ki, artan geosiyasi parçalanma və iqtisadi risklər kontekstində davamlı beynəlxalq tərəfdaşlıq xüsusilə vacibdir və Ankara Avropa İttifaqı üçün namizəd ölkə və əsas tərəfdaş olaraq qalır.

Həmçinin qeyd olunur ki, Aİ ilə Türkiyə arasındakı münasibətlər qanunun aliliyi, demokratiya, insan hüquqları və media azadlığı prinsiplərinə uyğun olaraq inkişaf etməlidir və tərəflər iqtisadi etimadın və biznes mühitinin gücləndirilməsi üçün vacib hesab edirlər.