Aİ Rusiyanın Ukraynadakı müharibəsində iştirak edənlərin ölkəyə girişini qadağan edəcək

Avropa İttifaqı Rusiyaya qarşı 21-ci sanksiyalar raunduna hazırlıq çərçivəsində Rusiyanın balıqçılıq sənayesinə məhdudiyyətlər tətbiq etməyi nəzərdən keçirir.

Bu barədə Avropa Komissiyasının prezidenti Ursula fon der Leyen bildirib.

O, yeni sanksiyalar paketinin Brüsselin Rusiya iqtisadiyyatına ən çox təsir etdiyinə inandığı sektorlara yönələcəyini bildirib. Bunlara enerji, maliyyə xidmətləri və kriptovalyuta ticarəti daxildir.

Bundan əlavə, Rusiya balıqçılıq sənayesi də ilk dəfə sanksiyalara məruz qala bilər.

"Bu gün biz 21-ci sanksiya paketini təklif edirik. Ən böyük təsir göstərən sektorlara diqqət yetiririk: enerji, maliyyə xidmətləri və kripto ticarəti və bu dəfə ilk dəfə balıqçılıq sahələrini də daxil edəcəyik", - deyə fon der Leyen bildirib.

Bütün qadağaların qısa xülasəsi:

- Rusiya enerji ehtiyatlarının daşınmasında iştirak edən 30 tankeri sanksiya siyahısına daxil etmək;

- Rusiya neftinin mövcud qiymət limitini qorumaq;

- Rusiya enerji sektoruna qarşı yeni sanksiyalar tətbiq etmək;

- Rusiya maliyyə sektoruna məhdudiyyətləri genişləndirmək;

- Kriptovalyuta ticarətinə qarşı tədbirləri gücləndirmək;

- Rusiya balıqçılıq sənayesinə qarşı məhdudiyyətləri ilk dəfə sanksiya paketinə daxil etmək;

- Rusiyaya mayeləşdirilmiş təbii qazın daşınması üçün tankerlərin satışını qadağan etmək;

- Rusiya ilə enerji ticarətində iştirak edən limanlara qarşı sanksiyalar tətbiq etmək;

- Rusiyaya ixrac qadağalarını genişləndirmək;

- dronlar üçün metalların, ərintilərin və komponentlərin tədarükünü məhdudlaşdırmaq;

- 31 Rusiya bankı ilə əməliyyatları məhdudlaşdırmaq.