Esmira Günəş 9 mayda Əmircan Mədəniyyət Evində tədbir keçirib

Azərbaycan Yazıçılar Birliyinin üzvü, Prezident mükafatçısı şairə Esmira Günəş Azərbaycan Respublikası Mədəniyyət Nazirliyinə məktub yazaraq, 1941-1945-ci il şəhidinə həsr etdiyi "Qəhrəman nəslin qəhrəman Şəhidləri" adlı kitabının Əmircan Mədəniyyət Evində tədbirinin keçirilməsi üçün dəstək istəyib. Azərbaycan Respublikası Mədəniyyət Nazirliyinin tapşırığı ilə tədbir mayın 9-u qələbə günü Əmircan Mədəniyyət Evində baş tutub. Lakin Nazirliyin tapşırığı olmasına baxmayaraq, tədbirin bütün yükünü şairə Esmira Günəş təkbaşına çəkib. Hətta mədəniyyət idarəsinin rəhbərliyindən idarədə heç kəs olmayıb. Tədbir günü şairə Esmira Günəş "Günəşin Nuru" komandası ilə Sumqayıtdan Əmircana yola düşüb. Tədbirdə iştirak edən qonaqları da özü dəvət edib. Tədbirdə həm Qələbə günü, həm Ulu Öndər Heydər Əliyevin ad günü xüsusi vurğulanıb və şəhidlərin xatirəsi yad olunub.
Tədbirin bəddi hissəsinin gözəlliyi gələn qonaqları heyran edib. Şairə Esmira Günəşin 5 yaşlı qızının heç bir müəllim hazırlığı olmadan profesional şəkildə rəqsləri, Damla Babalının rəqsi, Kamilə Ağasıyevanın, Leyla Poladqızının möhtəşəm ifaları, Mehdi Yusifin, Elgün Abbaszadənin, Saleh Əliyevin, Nuray İlyasovanın, Rüqəyya Quliyevanın qüsurduz qiraəti tədbirə rəng qatıb. Tədbirin sonlarına yaxın şairə Esmira Günəş tədbirdə fəal çıxış edən şagirdləri "Təşəkkürnamə" ilə təltif edib. Sonda isə şəhid anaları səhnəyə dəvət olunub, Şagirdlər onlara gül dəstələri təqdim ediblər.
Tədbirin rəsmi hissəsində şəhid ailəsinin, YAP Suraxanı Rayon təşkilatının məsul nümayəndəsinin, və bələdiyyə nümayəndəsinin çıxışı olub. 
Onlar çıxış zamanı tədbirin möhtəşəmliyini vurğulayayaraq, bildiriblər ki, zalda qonaqların az olmasının səbəbi həftə sonu olması və tədbirlərin bu günlərdə çox olmasıyla əlaqəlidir.
Şairə Esmira Günəş isə bildirib ki, kilometrlərlə yol qət edib gələn şəhid ailələrini idarədə qarşılamağa bir nəfər belə nümayəndə yoxdursa ya Nazirliyin tapşırığı möhkəm olmayıb, ya da həmin idarənin şəhid ailələrinə sevgisi yoxdur və şəhidinə dəyər verməyi bacarmır. Tədbirin həftə sonuna düşməsi bəhanə ola bilməz.