25 iyun 2026
  1. Ana Səhifə
  2. AZpress - ÖZƏL
  1. Ana Səhifə
  2. Mədəniyyət
AZpress - ÖZƏL Mədəniyyət

"Sözün təcəllisi" adlı ərəb xəttatlıq sərgisi keçirildi

2 ay əvvəl 218

"Sözün təcəllisi" adlı ərəb xəttatlıq sərgisi keçirildi

22 aprel 2026-cı il tarixində Misir Ərəb Respublikasının Azərbaycandakı səfiri cənab Houssam Eldine Redanın himayəsi altında Misir Mədəniyyət və Təhsil Əlaqələri Mərkəzində mədəni və incəsənət tədbirlər silsiləsi çərçivəsində ərəb mədəniyyətinin gözəlliklərini özündə əks etdirən, ənənəvi irsin ruhunu müasir yaradıcılıqla birləşdirən "Sözün təcəllisi" adlı ərəb xəttatlıq sərgisi keçirildi.

"Shatu Art" qrupunun rəhbəri Turan İlhamın təşkilatçılığı ilə ərsəyə gələn bu sərgi, klassik və müasir xəttatlıq sənətinin incəliklərini bir araya gətirərək böyük marağa səbəb oldu.

Misir Mədəniyyət Mərkəzinin müdiri Prof.Dr.Tarek Aboul Fotouh çıxışında qeyd etdi ki, bu sərgi ərəb xəttatlığının qədim irsini qorumaqla yanaşı onu gənc nəsillərə ötürməyə də xidmət edir.

​Sərgidə 2 istedadlı iştirakçı hər biri özünəməxsus dəst-xətti və fərqli texnikalarla işlənmiş dəyərli əsərləri ilə iştirak etdi. Nümayiş olunan kompozisiyalarda qədim ənənələr və bədii estetik görünüş ustad sənətkarlıqla birləşdirilmişdi.

​Bu tədbirin keçirilməsində əsas məqsəd əsrlərdən bəri gələn xəttatlıq sənətinin tarixi irsini qorumaq, bu zərif sənət növünü gənc nəslə aşılamaq və geniş kütləyə sevdirməkdir. Sərgi, sənətsevərlər tərəfindən yüksək qiymətləndirilərək mədəniyyətlərarası dialoqa və klassik sənətlərimizin təbliğinə öz dəyərli töhfəsini verdi.

Fotolar Mahir Əhmədov

Əlaqəli Xəbərlər

SOSİAL ŞƏBƏKƏLƏRDƏ BİZİ İZLƏYİN

Rəsmi Xəbər

Prezidentlər İlham Əliyev və Sərdar Berdiməhəmmədov Şuşada Bülbülün ev-muzeyində olublar

Prezidentlər İlham Əliyev və Sərdar Berd...

23 iyun 2026 19:21:39
Arxivə Keçid>>>
<