“Baharın rəngləri”adlı yaradıcılıq sərgiləri baş tutdu

Təbiətlə təmasda ol, əsrarəngizliyi təsvir et! şüarı altında böyüyən gəncliyi təbiətlə təmasa sövq etmək, fərqli fəsillərdə təbiətin əsrarəngizliyini göstərmək və mühafizəsinə həvəsləndirmək məqsədi ilə 8-21 yaş arası uşaq, yeniyetmə və gənclər arasında elan olunmuş “Baharın rəngləri” adlı yaradıcılıq sərgiləri  20-21 aprel tarixlərində  12:00 və 16:00–da  olaqla növbəli şəkildə Xətai Sənət Mərkəzində açıldı.
Əsəri sərgilənən iştirakçılara sertifikat təqdim olundu, həmçinin, sərgidən seçilən 19 əsərin müəllifinə  hədiyyə təqdim olundu və əsərləri qaytarılmadı və həmin əsərlər Xətai  Uşaq Sənəti Qalereyasında sərgilənmək və hansısa mədəni tədbirdə istifadə olunmaq üçün qalereyanın kolleksiyasına daxil edildi.
Tədbirin təşkilatçıları Azərbaycan Rəssamlar İttifaqı, Azərbaycan Dövlət Rəsm Qalereyası, Xətai  Uşaq Sənəti Qalereyası  və Xətai Sənət Mərkəzidir .
Tədbirin dəstəkçilər isə Azərbaycan Dövlət Rəssamlıq Akademiyası, Azərbaycan Televiziya və Radio Verilişləri QSC, Xətai Rayon İcra Hakimiyyəti və Naxçıvan Rəssamlar Birliyidir.
Sərgiyə ölkəmizin müxtəlif guşələrindən 800-dən çox müraciət daxil olmuşdur və 600-ə yaxın əsər sərgilənmək üçün seçilmişdir.
“Baharın rəngləri”  sərgisi Təbiətlə təmasda ol, əsrarəngizliyi təsvir et! şüarı altında keçirilən “Qış nağılı”  sərgisindən sönra ikinci  tədbirdir və yay və payız tədbirlərimizdə  nəzərdə tutulmuşdur.
Tədbirin gənc nəslin təbiətə baxışına xidmət edəcəyinə inanırıq!

Fotolar Mahir Əhmədov