Azərbaycan "Böyük İpək Yolu"da birinci olub

Bakı Boks Mərkəzində kişi və qadın boksçular arasında keçirilən və Azərbaycan da daxil olmaqla, 10 ölkəni təmsil edən 126 dəri əlcək ustasının iştirak etdiyi ənənəvi "Böyük İpək Yolu" turnirinə həlledici final görüşləri ilə yekun vurulub.

ABF-dən verilən məlumata görə, 6 gün davam edən turnirdə 21 (6-5-10) medal qazanan Azərbaycan yığması komanda hesabında birinci olub. İkinci yeri 15 (3-5-8) medalla Qazaxıstan, üçüncü yeri isə 6 (3-0-3) medalla Türkiyə tutub.

Turnirdə kişilər 10, qadınlarsa 4 çəkidə döyüşüblər. Azərbaycan komandasının heyətində kişilər 19 (6-5-8), qadınlar isə cəmi 2 (0-0-2) medal qazanıblar. Qeyd edək ki, kişilərin yarışında 4 Azərbaycan filialı baş tutub. Bu finallarda dünya çempionu Sübhan Məmmədov (50 kq) komanda yoldaşı Bilalhəbaşi Nəzərovu, Zəlimxan Süleymanov (55 kq) Amin Məmmədzadəni, Tayfur Əliyev (60 kq) Məhəmmədəlı Aşurəliyevi, Malik Həsənovsa (65 kq) Zaur Qəhrəmanovu məğlub edib. Qaliblər qızıl, uduzanlar isə gümüş medal qazanıb. Daha iki qızıl medal isə Sürət Qarayevlə (90 kq) Məhəmməd Abdullayevin (+90 kq) aktivinə yazılıb. Komandanın daha bir gümüş medalını Seyid Seyidov (80 kq) qazanıb.

Yığmamızın bürünc medallarna gəlincə, kişilərdən Zidan Hümbətov (55 kq), Məhəmmədəli Qasımzadə (60 kq), Sərxan Əliyev (70 kq), Səidcəmsid Cəfərov, Rasim Cobanli (hər ikisi 75 kq), Həsən Osmanlı (80 kq), Murad Allahverdiyev (85 kq) və Səbuhi Əlizadə+90 kq), qadınlardan isə Günel Rəhimova (51 kq) ilə Emilii Rzayeva (65 kq) qazanıb.

Turnirin ən yaxşı boksçusu adına Bakbərcin Aliaskerov (Qazaxıstan), ən yaxşı hakim adına isə əlcəzairli Raşid Benaica layiq görülüb.

İNTİQAM Məmmədov