Akif Əli:
Eh, Balayev... Əziz dost, nə tez getdin...
Elegiya
Səni sevən hər kəsin qəlbində həzin bir xatirə qoyub uzaqlarda qalan dəyərli dostlarımız - Şahmar Ələkbərovun, Səməndər Rzayevin, Həsən Məmmədovun, Həsən Əblucun, Yaşar Nurinin, Əlabbas Qədirovun yanınamı tələsdin?
Axı, dedilər hər şey yaxşıdır, tezliklə İstanbuldan Bakıya dönəcəksən?! Və biz Azərbaycan Kinematoqrafçılar İttifaqındakı Sədr kabinetində səninlə görüşməyə, kino barədə müzakirələr aparmağa, xatirələr danışmağa hazırlaşdığımız vaxtda, bu nə qəfil xəbər idi?! Sən axı ətrafımızdakı bəzi-bəzilərindən fərqli olaraq, sözünə bütöv adam idin? Bəs niyə o xoş müjdəni bu acı xəbərlə əvəzlədin?
Heyf... Kaş yalan olaydı, Balayev...
...Rasim bəylə dostluğumuzun uzaq bir tarixçəsi var. Ötən əsrin 70-80-lərində Azərbaycan Kinosunun məbədgahı olan C.Cabbarlı adına “Azərbaycanfilm” kinostudiyasının qaynar çağlarına gedib çıxır. O vaxt kinostudiyanın gur fəaliyyət dövründə Şahmar Ələkbərov, Rasim Balayev və mən “Arxadan vurulan zərbə” filmində birlikdə çəkilmişik. Kinodan başlanan o dostluğumuz əbədiyyətə qədər uzandı...
...Bir ara iddialıların ictimai-siyasi müstəvidə bəlli oyunlarına görə, sənətkar qəlbli səmimi R.Balayev də Telekanallardan uzaq qalmışdı. Onu efirə çağırmağa risk etmirdilər. Onda mən AZTV-nin sədri Arif Alışanovu inandıra bildim ki, Rasim Balayev milli dəyərdir, onu efirdən məhrum etmək düz deyil. Onu öz verilişimə çağırmaq istəyirəm, məsuliyyəti də mənim boynuma. İnsafən, A.Alışanov etiraz etmədi. Və mən Rasim Balayevi “Mədəniyyət” kanalında müəllifi olduğum “Zaman və Məkan” proqramına dəvət etdim. Uzun fasilədən sonra Balayevlə çox maraqlı bir sənət söhbəti çəkib efirə verdik. Buz qırıldı...
...Bir neçə il öncə, ona “İstiqlal” ordeni təqdim olunanda, Prezidentlə səmimi söhbəti zamanı alicənab ziyalı olaraq yaradıcılığına verilən yüksək qiymətə görə Rasim Balayev hərarətlə Dövlət başçısına minnətdarlığını bildirdi, tarixi Qarabağ Zəfərinə görə Ali Baş Komandana ürəyindən gələn yüksək qiyməti dilinə də gətirdi... Və yenə bədxahların nahaq hücumuna tuş gəldi, ünvanına tənqid yağış kimi yağdırıldı. Susmaq yeri deyildi. R.Balayevin müdafiəsinə məqalə yazıb “Təzadlar” qəzetinə təqdim etdim. Cəsarətli jurnalist Asif Mərzili də etiraz etmədi və o yazını çapa imzaladı...
Təəccüblüdür, dünyaya hər an gəlməyən fitri istedad sahiblərinin xalq kütlələrinin ideya-estetik inkişafında, ictimai zövqün cilalanmasında nə qədər gərəkli və nə qədər əhəmiyyətli rol oynadığını dərk etmək nə çətin işdir ki! Onlara münasibətdə həssaslıq göstərmək vacibdir axı. Onsuz da ömrünü xalqın mədəni-estetik inkişafına həsr edən Rasim Balayev kimi böyük sənət ustaları heç kimə və heç nəyə baxmadan tarixin səhifələrində öz layiqli yerlərini tez-gec tuturlar!
Azərbaycan Kinosunun görkəmli simalarından olan Rasim Balayev dahi Nəsiminin, qəhrəman sərkərdə Babəkin və digər obrazların mükəmməl ifasına görə Azərbaycan Mədəniyyətində əbədi dərin iz qoyub. Nə qədər ki Azərbaycan var – Nəsimi də, sərkərdə Babək də var olacaq; və nə qədər ki Nəsimi, Babək olacaq – Rasim Balayev də xalqın sevimlisi olaraq qəlblərdə yaşayacaqdır.
Gözəl Kinolu illərimizin dostu Rasim Balayev, səninlə vida çox ağırdır.
Ruhun şad olsun, əziz dost!
* * *
Bəli ,Akif müəllim.Həqiqətən Rasim Balayevlə vida ağır olacaq.Və bu ağrının əzabını görmək istədiyimiz ,arzuladığımız filmlərdə hələ çox yaşayacağıq,Rasim Balayevin yeri görünən filmlər çəkilməyəndə .Məkanı cənnət olsun.
Çox heyf! Allah rəhmət eləsin dahi sənətkara. Məkanı cənnət olsun. Allah yaxınlarına, əzizlərinə səbr versin. Amin!
Böyük itkidir, millətimizə səbr diləyirəm!
İncəsənətimizin möhkəm sütunlarından biri də yıxlıdı
Qiymətli' əvəzi olmayan sənətkar' Azərbaycanın Nəsimisi' mübariz Babəki - simanda Azərbaycan mədəniyyətinin bir Şəxsiyyətini itirmək çox ağırdır. Yeri heç zaman dolmayacaq İnsan- Sənətkar!
Ruhun şad olsun.
Akif müəllim' Sizə cansağlığı.
Sənət sarayından bir daş da düşdü. Bu yeri dolmayacaq boşluqdur.. Allah o dünyasını versin! Nur içində uyusun, böyük sənətkarımız!((
Allah rəhmət eləsin,kinomuzun unudulmaz əfsanəsi - Radim Balayevi !
Bu səmimi və təsirli yazıya görə isə sənə dərin təşəkkürlər Akif bəy !
Çox sağ olun, Akif müəllif. Hər şey yerli-yataqlıdır.
QEYD. Başlıqlar "Facebook" sosial şəbəkəsindəki başlıqla eynilik təşkil edir.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.