Heydər Əliyev İrsi və Müstəqil Azərbaycan! layihəsinin bağlanış mərasimi keçirilmişdir

“Qadın və Gənc Ailələrin Sosial İnkişafı” İctimai Birliyi və  Azərbaycan Respublikası Gənclər Fondunun maliyyə dəstəyi ilə Heydər Əliyev İrsi və Müstəqil Azərbaycan! layihəsinin bağlanış mərasimi keçirilmişdir.

AZpressTİMES.info xəbər verir ki, layihənin əsas məqsədi Heydər Əliyev irsinin öyrənilməsi və onun banisi olduğu Konstitusiyanın vətəndaşların hüquq və azadlıqlarının, müstəqil dövlətçilik və demokratiyanın təminatı kimi gənclərə aşılamaqdır. 

Layihə üç ay müddətində Bakı şəhəri Binəqədi rayonunda həyata keçirilmişdir. 

Seminarlarda Heydər Əliyev irsinin öyrənilməsi və onun yaratdığı Konstitusiyanın gələcək üçün bir təməl rolu olması gənclərə təbliğ edildi. 
Sonuncu tədbir Azərbaycan Əmək və Sosial Münasibətlər Akademiyasında keçirildi. Tədbirdə giriş sözü ilə çıxış edən Akademiyanın rektor vəzifəsini müvəqqəti icra edən Fərid Babayev Ulu Öndər Heydər Əliyevin dövlətçilik yolunun əsas mərhələləri və liderlik xüsusiyyətləri haqqında danışdı. Təşkilatın sədri Tünzalə Cavadova da Ulu Öndərin həyat yolu, siyasi fəaliyyəti və idarəçilik modeli haqqında məruzə ilə çıxış etdi. Akademiyanın sosial iş fakultəsinin dekanı Nurəngiz Mikayılova, həmin akademiyanın iqtisadiyyat və idarəetmə kafedrasının müdiri professor Vilayət İsmayılov da öz çıxışlarında Heydər Əliyevin banisi olduğu Konstitusiyanın yaradılması, Azərbaycanın beynəlxalq arenadakı mövqeyinin mühkəmlədirilməsi və “Əsrin müqaviləsi”-nin ölkəmizin iqtisadiyyatında böyük rolu olduğundan bəhs etdilər. Sonda gənc tələbələr Ulu Öndər Heydər Əliyevin gənclər siyasətindəki danılmaz rolundan danışdılar. Tədbir tələbələr tərəfindən böyük maraqla qarşılandı. 

Qeyd edək ki,  layihə Azərbaycan Respublikası Gənclər Fondu tərəfindən dəstəklənir.