Bill və Hillari Klinton Epşteyn işi ilə bağlı Konqres qarşısında ifadə verəcəklər

BŞ-nin keçmiş prezidenti Bill Klinton və həyat yoldaşı, keçmiş dövlət katibi Hillari Klinton Ceffri Epşteyn işi üzrə Konqres qarşısında ifadə verməyə razılaşıblar.

ABŞ Nümayəndələr Palatasının Nəzarət Komitəsi bu yaxınlarda Epşteynin fəaliyyəti ilə bağlı istintaq çərçivəsində çağırış vərəqələrini qulaqardına vurduqlarına görə Konqresə hörmətsizlik göstərərək onları həbs edib-etməmək barədə səsvermə keçirməli idi.

Daha sonra, Nümayəndələr Palatasının Nəzarət Komitəsinin sədri, respublikaçı Ceyms Komerə ünvanladığı məktubda Klintonların vəkilləri komitənin şərtlərini qəbul etdiklərini və ifadə verməyə hazır olduqlarını bildiriblər.

Lakin Komerin ofisi vəkillərin mövqeyinin hələ də qeyri-müəyyən olduğunu və ifadələrin tarixlərinin təyin olunmadığını açıqlayıb.

Avqust ayında Klintonlar, keçmiş FTB direktoru Ceyms Komi və digər hökumət rəsmiləri ilə birlikdə çağırış vərəqələri alıblar. Əvvəlcə ifadə oktyabr ayına planlaşdırılmışdı, lakin sonra Klintonun xahişi ilə dekabr ayına təxirə salındı. Dekabr ayında göndərilən məktubda Komer dindirməni ikinci dəfə təxirə salmağa razılaşdı, lakin Klintonların vəkilinin ifadə üçün alternativ tarixlər təqdim etmək istəmədiyini bildirdi. Nəticədə, komitə sədri dinləməni bu həftəyə təxirə saldı, lakin cütlük gəlmədi.

Keçmiş prezidentin Konqres tərəfindən dindirilmək üçün çağırılması Amerika siyasətində həqiqətən nadir bir presedentdir.