Naxçıvan Dövlət Dram Teatrında "Qərbi Azərbaycana qayıdış” festivalı, “Qərbi Azərbaycana qayıdışa gedən yol” konqresinin açılış mərasimi keçirildi.

Əvvəlcə Azərbaycan Respublikasının Dövlət Himni səsləndi, xalqımızın ümummilli lideri Heydər Əliyevin, ərazi bütövlüyümüzün bərpa olunmasında canlarını qurban vermiş şəhidlərimizin əziz xatirəsi bir dəqiqəlik sükutla yad olundu.

Açılış mərasimində Naxçıvan Muxtar Respublikasında Azərbaycan Respublikası Prezidentinin Səlahiyyətli Nümayəndəsi cənab Fuad Nəcəfli çıxış edərək qeyd etdi ki, tarixin ən güclü dövrünü yaşayan Azərbaycanın ən mühüm uğuru, Qarabağ və Şərqi Zəngəzurla bağlı abadlaşdırma işləri ilə yanaşı, eyni zamanda, Qərbi Azərbaycana Qayıdışdan ibarət olmaqdadır. Festival və konqresin tarixi mahiyyətini yüksək qiymətləndirən səlahiyyətli nümayəndə, bildirdi ki, bu gün hər bir Azərbaycan vətəndaşı ölkəmizin uğurlarına şahidlik edir. Bunlardan biri də ölkəmizin başçıısı cənab İlham Əliyevin uğurla reallaşdırmış olduğu Qərbi Azərbaycana Qayıdış konsepsiyasıdır. 

Sonra Azərbaycan Respublikasının Elm və Təhsil Naziri Emin Əmrullayev, Naxçıvan Dövlət Universitetinin rektoru Elbrus İsayev, Qərbi Azərbaycan İcmasının İdarə Heyətinin sədri, millət vəkili Əziz Ələkbərli, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva və Qərbi Azərbaycan İcmasının İdarə Heyətinin üzvü, ADPU-nun prorektoru Mahirə Hüseynova festival-konqresin ictimai, siyasi, elmi, tarixi, mədəni iqtisadi və sosial mahiyyəti barəsində söz açdılar. 

Sonra festival-konqres bədii hissədə davam etmişdir.