Alqış Musayev: 

1998-ci il...Hər görüş bir tarix idi

Qarşıda prezident seçkiləri keçiriləcək. “Yeni Azərbaycan” qəzetində dərc olunan bir məqalə onun diqqətini çəkib. Redaksiyaya zəng edib təəssüratlarını bildirir və məndən soruşur: “Mənə nə sözünüz var?”. “Cənab Prezident, biz gündəlik nəşr olunmaq istəyirik. Amma bəzi çətinliklər var...”, - deyirəm.

Məsələ qısa müddətdə həll olunur və 1998-ci ilə kimi həftəlik nəşr olunan “Yeni Azərbaycan” qəzeti gündəlik çıxmağa başlayır...

“Yeni Azərbaycan” qəzetinin Ədəbiyyat əlavəsini dərc etməyə başladıq. Çox uğurlu bir layihə alındı. Xüsusilə, yeni ədəbi nəsil bizim bu addımımızı rəğbətlə qarşıladı. Gənc qələm sahibləri yazılarını həvəslə dərc etdirirdilər. Bir sözlə, qısa bir zaman kəsimində bizim ədəbiyyat səhifələrimiz əməlli-başlı səs-küy yarada bilmişdi. Amma qısqanclıq edənlər də tapılırdı. Bədxahlar imkan düşən kimi etirazlarını hər hansı formada bildirirdilər. İş böyüyüb Heydər Əliyevə çatmışdı. Hətta bəziləri deyirdilər ki, ölkənin 1 nömrəli siyasi platformasında niyə ədəbiyyata yer ayrılmalıdır? Bu mövzuya da Ulu Öndərimiz nöqtə qoydu. Görüşlərin birində belə dedi: “Siz qəzetdə ədəbiyyata geniş yer verirsiniz. Düzdür, bəzən fərqli fikirlər söylənilir. Belə söhbətdən mənim də xəbərim var. Bizim partiyanın rəhbərliyində olanlardan da bəziləri mənə şikayət edirlər. Bu, çox təbii bir haldır. Qəzet birdir, onu müzakirə edənlər isə çoxdur. Müxtəlif rəylər ola bilər. Ancaq bütün hallarda “Yeni Azərbaycan” qəzeti çox vacib bir yol seçib. Ədəbiyyat bizim xalqın ən məhrəm hissiyyatıdır. Digər tərəfdən, “Yeni Azərbaycan” qəzeti yeni imzaları öz ətrafına toplayır. Çox faydalı bir iş görür. Bunu davam etdirmək lazımdır”.

Aydin Guliyev

Demək, "Yeni Azərbaycan "qəzetinə gündəlik çap ömrünü rəhmətlik vermişdi....

Shemseddin Aliyev

…Həm də,iş,işi bilənə tapşırılmışdı.

Sakit Sabiroglu

Doğrudan da ədəbiyyat əlavəsi əla idi.

Qazanfar Ahmedli

Xüsusən,o illərdə həmin qəzetdə Azər Turanın rəhbərliyi ilə hazıılanan ədəbiyyat səhifəsini çox yaxşı xatırlayıram.Diqqət çəkən sayda oxucu çevrəsi yığmışdı

Mətanət Məmmədova

Ulu Öndər "Səs" qəzeti haqqında da yüksək fikirdə olub və “Səs” qəzeti mənim üçün ən əziz qəzetdir" ,-deyib. Cənab Prezident İlham Əliyev isə "“Səs” qəzeti qısa zamanda əsl müstəqil və demokratik mətbuat nümunəsinə çevrilmişdir. Cəmiyyətdə siyasi plüralizmə böyük ehtiyac duyulduğu həmin illərdə, qəzet müxtəlif ictimai-siyasi dairələrin, sağlam düşüncəli vətənpərvər ziyalıların tribunasına çevrilmiş, vətəndaşları narahat edən məsələləri, dövrün aktual problemlərini cəsarətlə ictimai müzakirəyə çıxarmış, müxtəlif yönlü təqib və təzyiqlərə baxmayaraq öz mübariz mövqeyindən geri çəkilməmişdir" kimi dəyərli fikirlər söyləmişdir. Beləliklə, həftəlik nəşrlə bağlı problemlərin yaşandığı bu günlərdə "Səs" qəzeti ölkədə işıq üzü görən hər qəzetlə bir sıraya qoyulmamalıdır.

Xaqani Safaroqlu

"Yeni Azərbaycan" qəzetinin Ədəbiyyat əlavəsi çox istedadlı gəncləri üzə çıxartdı. Əməlli-başlı ədəbiyyat həyatını tərpətmişdi.

Sharif AG  

Unudulmaz layihə idi. Sonuncu kitabımda ("Mənim tanıdığım Ələsgər") həmin ədəbiyyat əlavəsini bir neçə yerdə xatırlamışam.

QEYD. Başlıqlar "Facebook" sosial şəbəkəsindəki başlıqla eynilik təşkil edir.