Qadın basketbol yığmamızın rəqibləri bəlli olub

Qadınlar arasında 3X3 basketbolu üzrə keçirilməsi nəzərdə tutulan və Azərbaycan komandasının da iştirak edəcəyi Olimpiya təsnifatli turnirlərdə yeganə lisenziya uqrunda mübarizə aparacaq komandalar bəlli olub. Qeyd edək ki, ilk belə turnirdə Azərbaycan komandası Honkonq, Misir, Hollandiya, Macarıstan, Avstraliya, Polşa, Monqolustan və Çin millisi ilə qarşılaşacaq.

İkinci analoji turnirdə isə Azərbaycan komandası Keniya, Braziliya, Avstriya, Hollandiya, Yaponiya, Almaniya və Kanada yığması ilə mübarizə aparacaq. Hələki, keçirilmə vaxtı və məkanı dəqiqləşməyən hər iki turnirdə yalnız qalib komanda Olimpiada-2024-ə lisenziya qazanmış olacaq. 

Yeri gəlmişkən, bu turnirlərdə iştirak edəcək Azərbaycan komandasınin heyəti "Neftçi" klubunun üzvlərindən ibarət olacaq. Xatırladaq ki, "Neftçi" qadın basketbol klubu ötən il keçirilən və 24 mərhələdən ibarət Dünya Qadın Seriyasında uqurlu çıxış etdiyi (4 mərhələnin qalibi olub) və həmin yarısı üçüncü pillədə bitirdiyi üçün Olimpiya təsnifatli turnirlərdə iştirak etmək hüququ qazanıb. 

Beləliklə, Azərbaycan bu növdə ilk dəfə olaraq Olimpiadada təmsil olunmaq şansı qazanıb.

İNTİQAM Məmmədov