İran Xarici İşlər Nazirliyi dünyanı ABŞ və İsrailin hərəkətlərini pisləməyə çağırıb

İranın xarici işlər naziri Abbas Əraqçi beynəlxalq ictimaiyyəti İslam Respublikasına qarşı təcavüzünə görə ABŞ və İsraili məsuliyyətə cəlb etməyə çağırıb.

O, hindistanlı həmkarı Subrahmanyam Caishankar ilə telefon danışığında deyib: “Beynəlxalq ictimaiyyət Təl-Əviv və Vaşinqtonu Tehranın ərazi bütövlüyü və milli suverenliyinə açıq-aşkar təcavüzü ilə beynəlxalq hüququn pozulmasına görə cavabdehlik daşımalıdır”.

Bu barədə İranın xarici işlər nazirinin mətbuat xidməti məlumat yayıb.

Xatırladaq ki, İsrail iyunun 13-nə keçən gecə İrana qarşı hərbi əməliyyata başlayıb, bir gün keçməmiş İslam Respublikası cavab hücumu həyata keçirib. Birləşmiş Ştatlar münaqişənin gərginləşməsindən doqquz gün sonra daxil oldu: iyunun 22-nə keçən gecə Amerika qüvvələri İranın üç nüvə obyektinə hücum etdi. İyunun 23-ü axşam saatlarında Tehran Amerikanın Yaxın Şərqdəki ən böyük aviabazasına, Qətərdəki Əl Udeyd aviabazasına raket zərbəsi endirib. ABŞ hakimiyyət orqanlarının məlumatına görə, itki yoxdur və ciddi ziyan dəyməyib. Daha sonra ABŞ prezidenti Donald Tramp bildirib ki, Təl-Əviv və Tehran tam atəşkəs barədə razılığa gəliblər. Atəşkəs iyunun 24-də qüvvəyə minib.