"Baku Open-2025"in alıb serbiyalı Aleksandr İndjic olub

Aprelin 27-dən mayın 7-dək Bakıdakı "Kristal Hall" Arenada şahmat üzrə Azərbaycan Şahmat Turu çərçivəsində ənənəvi "Baku Open-2025"  beynəlxalq turnir keçirilib. Mükafat fondu 55 min dollar (93,5 min manat) təşkil edən və İsveçrə sistemi üzrə keçirilməklə 9 turdan ibarət olan turnirdə ev sahibi Azərbaycan da daxili olmaqla 16 ölkəni təmsil edən 700-dək zəka sahibi reytinq səviyyəsinə görə üç müxtəlif qrupda (A, B və C) mübarizə aparıb. 

Baş hakimi beynəlxalq dərəcəli referi, adı Ginnessin rekordlar kitabına düşən Faiq Həsənov olan turnirin A qrupunda reytinq xalı 2250-dən yuxarı olan 60 şahmatçı, B qrupunda reytinq xalı 2249-dan aşağı olan 234, C qrupunda isə 12 yaşadək olan 283 şahmatçı mübarizə aparıb.

Qeyd edək ki, 31 Azərbaycan şahmatçısınin mübarizə apardığı A qrupunda qalib adını turnirin reytinq favoriti olan serbiyalı Aleksandr İndjic (2644) qazanıb. 9 mümkün xaldan 7 xal toplayan Aleksandr həm də 12 min dollar pul mükafatı qazanıb. İkinci və üçüncü yeri isə müvafiq olaraq ondan cəmi yarım xal geri gurcustanli Baadur Jobava (2600, reytində dördüncü) və Türkiyə təmsilçisi Sanal Vahab (2550, reytinqdə 8-ci) tutub. İkinci yerin sahibi 8, ilk üçlüyü tamamlayansa 6 min dollar hədiyyə əldə edib.

Xatırladaq ki, A qrupunda çıxış edən Azərbaycan təmsilçilərindən heç biri mükafatçılar sırasında yer ala bilməyib. Hərəyə 6 xal toplayan Xəzər Babazadə (2427, reytinqdə 16-ci), Murad İbrahimli (2421, reytinqdə 21-ci), Məhəmməd Muradlı (2588, reytinqdə 5-ci) və Misrətdin İsgəndərov (2528, reytinqdə 10-cu) müvafiq olaraq 4-7-ci yerləri bölüşüblər. 

Nə qədər təəccüblü də olsa Azərbaycan şahmatçısı, reytinq göstəricisinə görə ikinci olan (2620) Nicat Abbasov isə çıxışını 4,5 xalla başa vurub. 

Digər qruplara gəlincə, B qrupunda ilk 3 yeri müvafiq olaraq Zaur Babayev (2237), İsmayıl Qurbanov (2229) və Farız Əhmədov (2196) bölüşüb.

C qrupunda isə birinci yeri Elgün Xanalizadə (1772), ikinci yeri Yaşar Şirinov (1765), üçüncü yerisə Məhəmməd Kazımzadə 1762).

Turnirin baqlanis mükafatlandırma mərasimində Heydər Əliyev fondunun vitse-prezidenti Leyla Əliyeva, Gənclər İdman naziri Fərid Qayıbov, Azərbaycan Şahmat Federasiyasının prezidenti Mahir Məmmədov, FİDE-nin sayca 6-ci olan sabiq prezidenti Kirsan İlyumjanov, FİDE-nin hazırkı prezidenti Aleksandr Gevorkovic və sair tanınmışlar iştirak edib. 

İNTİQAM Məmmədov