Hümbət Quliyev: 

Taksi

(novella)

Gecə, saat birə işləyir.

Bakıdan Sumqayıta gəlmək üçün telefonla taksi sifariş verirəm. Sifarişdən özüm də məmnunam: - Xanım, Bakıda, Səməd Vurğun küçəsində, Nəsimi heykəlinin yanındayam. Gedəcəyim yer; Sumqayıtda, Səməd Vurğun küçəsində yerləşən Nəsiminin heykəlinin yanı.

Heyif ki, xanım səfərimin məqsədi ilə maraqlanmadı,

soruşsaydı, cavab verəcəkdim ki, Səməd Vurğundan, Səməd Vurğuna, Nəsimidən də Nəsimiyə salam aparıram.

Təsadüfdürmü ki, həm Bakıda, həm Sumqayıtda Nəsiminin heykəlləri S. Vurğun küçələrində yerləşir?

Özlüyümdə bu boyda təsadüfün ola bilməyəcəyinin qənaətinə gəlirəm.

Taksidə həmişə sürücünün arxasındakı oturacağı seçirəm, bura maşında ən təhlükəsiz yerdir. Qəza şəraitində sürücü instinktiv olaraq, ilk növbədə, öz oturduğu tərəfi qoruyur, sən də bu vaxt elə onun qoruduğu tərəfdə olursan.

Taksiyə oturan kimi, adəti üzrə, telefonuma gələn mesajları oxumağa başladım. Biləcərinin dikini enəndə, sürücünün maşını sürmək tərzi məni şübhələndirdi.

Özümü qabağa verib, əvvəl sürücünün güzgüdəki əksinə, sonra da onun özünə baxdım. Vəziyyəti anında qiymətləndirdim; cavan oğlan hallı idi, görünür nəsə qəbul etmişdi.

Düşündüm ki, maşını saxlayıb gecə vaxtı , bu çöllükdə, soyuq küləkdə yeni taksi sifariş vermək çox da yaxşı ideya deyil.

Bu şəraitdə, elə sürücünü də qorumağın yeganə yolu onu danışdırmaq, belə onun beynini işlətməklə “ çorta” getməyə qoymamaq idi.

Özümü lap qabağa verib, sürücüyə dedim: - bəlkə yola nərdivan qoyaq?

Cavan oğlan bir az özünə gəlir, - nərdivan, nə nərdivan?

Deyirəm ki, yəni, söhbət edək.

- Edək.

- Nizami Gəncəvini oxumusan?

- Nizami Gəncəvi? Eşitmişəm, amma, belə oxumamışam.

- Füzulini necə, oxumusan?

- Bu artıq mənə tərəfə dönüb təəccüblə deyir;- yox, oxumamışam.

Mən də bunun halına bxıram, bir az halı dəyişən kimi, hər iki- üç dəqiqədən bir klassiklərimizi sadalayıram: Nəsimini, Seyid Əzim Şirvanini, Sabiri, Cavidi, Səməd Vurğunu, Müşviqi, Şəhriyarı və s. dühalarımızı bir- bir bundan soruşuram.

O da hər dəfə beynini gərildib ayılan kimi olur və hər sualıma ;- yox deyir.

Artıq Sumqayıta çatanda, o, özünü tam toparlayıb soruşdu;- bunları məndən niyə soruşursunuz ki?

Dedim: - sən hər dəfə “yox” deyəndə, mən sənin əvəzinə çox sevinirdim.

- Hə?

- Hə. Biləsən ki, sadaladığım sənətkarlarımızı oxuyanda, sən nə qədər ləzzət alacaqsan? Sənə həsəd apardım ki, səni qarşıda nə boyda hələ sevinclər gözləyir. Sənin dahi azərbaycanlılarımızın yaradıcılığından alacağın kef, bu indiki zəhrimardan aldığın kefdən qat- qat çox olacaq. Biləsən ki, mən də o dühaların yazdıqlarının narkomanıyam.

- Hə?

- Hə.

Artıq özünə gəlmiş sürücü sonda mənimlə öz doğması kimi sağollaşdı…

Hümbət Həsənoğlu

* * *

Qarib Aliyev

Sadəcə Əhsən.

Ali Mammadov

Sizdən ancaq bucür reaksiya gözləmək olardı doktor.Möhtəşəm

Surxay Sukurov

Çox ğözəl, bunu bəyənməmək nankorluğ olarda, Çox sağolun.

Miranşah Rəhimli

Məndə təxminən 8-9 ay bundan əvvəl Türkiyə səfəri ücün Sumqayıt dan Aeroporta taksi sifariş etdim. Şəhər saat 5 idi. Taksi ilə dəniz kənarına düşən vaxt hiss etdim ki sürücü hallı idi. Mən qabağa əyləşmişdim. Xətrinə dəyməsin deyə dedim ki qardaş deyəsən yaman yorğunsan. Sən gəl əyıəş mənim yerimdə maşını mən sürüm. Sürücü etiraz etmədi, və yerimizi dəyişən kimi 3 dəqiqədən sonra yuxuya getdi, birdə mən aeroporta çatanda onu yuxudan durğuzdum. 15 azn verib dedim ki, get elə buradaca yat yazıqsan.

Ondan sonra taksi ilə aeroporta öz maşınımla, Uzunmüddətli olanda isə oğlumla gedirəm.

Taksilər də işləyənlərin böyük əksəriyyəti taksi işinə yararlı deyil

Rafiq Mehdiyev

Hər bir vəziyyəti düzgün qiymətləndirə bilmək və vəziyyətə uyğun çıxış yolunu düzgün tapmaq qabiliyyətinin Sahibi Dostum, var olun.

P.S. Özünü qoruyanı Allah qoruyur. (Береженного бог бережёт)

QEYD. Başlıqlar "Facebook" sosial şəbəkəsindəki başlıqla eynilik təşkil edir.