Vüsalə Məmmədova:

İlin ilk giley-güzarı...

Dünən bayram idi, demədim. Siz allah, niyə təbrik əvəzinə tik-tok linki göndərirdiniz? Təbrik eləmək istəyirsiz, eləyin. Ta link nədir?

İlin ilk giley-güzarı.

Şərhlərdən: 

Feyaz Rustamov:

İnanın indicə birinə irad tuturdum. Sizin paylaşımı gördüm. Mən çoxuna cavab yazmıram. Ən azınnan sayqısızlıq sayıram belə təbriki.

Vüsalə Məmmədova:

Mən əvvəl çox qıcıq olurdum, hələ video göndərənlər olurdu… Bayramdan sonra bir həftə telefonu təmizləyib qurtara bilmirdim. İndi link göndərənə də səsli mesaj atıb təbrik edirəm. Qıcıq olmuram artıq. Amma istəməzdim elə eləsinlər.

Sevda Namazova:

Sizinlə razıyam Bayramlarda hazır linklər adama təhqirdi.Qurban bayramında qoyun şəkilləri,Novruz bayramında xonça və ya səməni şəkilləri,Yeni ildədə Şaxta baba və ya yolka. Bir kəlmə öz əllərinlə yaz ki Bayramın mübarək. Vəssalam.

Firuzə Quluzadə:

Hələ qruplardan birinə bir xanım şəkil göndərib. Şəkli də Allah bilir neçə nəfərə göndərilsə yuxarısına "yönləndirmə" yazılıb. Zalımın qızı heç əziyyət də çəkməyib ha.

Ülviyyə Abdullayeva:

Öz sözləri ilə təbrik yazmayan mesajını açmıram heç. He kimə də standart mesaj görndərmirəm. Hər kəsə, özünə və münasibətlərinə uygun yazıram. İlimiz uğurlu gəlsin.

Vüsalə Məmmədova:

Yox, mən hamısını cavablayıram. Əvvəl qıcıq olurdum, sonra başa düşdüm ki, məni yada salır, təbrik etmək istəyir, amma üslubu yanlışdır, doğru cavab verməklə izah edə bilərik bəlkə… Neçə ildir yoxlayıram, hələ də şablonlar gəlir.

Ülviyye Abdullayeva:

Afərin sizə. Mən isə bu cür bacarmıram. Ətrafımda lazımsız qələbəlik saxlamıram. İnanın əksəriyyəti qeyri-səmimidir. Amma onu da deyim, münasibətimlə bəzilərinin yanaşma mövqeyini dəyişmişəm. Az da olsa.

İntiqam Əliyev:

Səmimiyətsizliyin formalaşdırdığı yanaşmalardır Vüsalə xanım.Fikir verməyin.Təbrik gərək individual olsun.