"Arsenal" və "İnter" UEFA Çempionlar Liqasının yarımfinalına yüksəlib

UEFA Çempionlar Liqasının 2024/2025 mövsümünün 1/4 final mərhələsinin "Real Madrid" və "London Arsenal"ı arasında cavab oyunu başa çatıb.

Komandalar İspaniyanın Madrid şəhərindəki "Santyaqo Bernabeu" stadionunda qarşılaşıblar. Matçı Fransua Leteksierin (Fransa) rəhbərlik etdiyi hakimlər briqadası idarə edib. "Arsenal" "Real Madrid"i 2:1 hesabı ilə məğlub edib. Beləliklə, “qaymaqlılar” ümumilikdə Çempionlar Liqasından kənarlaşdırılıb (ümumilikdə 1:5).

İkinci dəqiqədə hücumçu Kilian Mbappe “Arsenal”ın qapısına qol vursa da, oyundankənar vəziyyətdə olduğu üçün qol qəbul edilməyib. 13-cü dəqiqədə "Topçular"ın cinah oyunçusu Bukayo Saka penalti zərbəsini yerinə yetirə bilməyib. 28-ci dəqiqədə altı dəqiqəlik VAR yoxlamasından sonra hakim London klubuna penalti təyin etmək qərarını dəyişdi. Hesabı 65-ci dəqiqədə Saka açıb. "Real Madrid"in cavab qolunu 67-ci dəqiqədə "Arsenal"ın müdafiəçisi Vilyam Salibanın səhvindən istifadə edən cinah oyunçusu Vinisius vurub. 75-ci dəqiqədə Mbappe zədələnərək meydanı tərk edib və onu Brahim Diaz əvəzləyib. Oyunun yekun nəticəsini 90+3-cü dəqiqədə İngiltərə klubunun hücumçusu Qabriel Martinelli müəyyən edib - 2:1.

Yerli “İnter”lə Münhen “Bavariya”sı arasında keçirilən görüş də yekunlaşıb. Oyun "San Siro" stadionunda baş tutub və heç-heçə ilə yekunlaşıb - 2:2.

Hesabı 52-ci dəqiqədə Harri Keyn açıb. 6 dəqiqə sonra meydan sahiblərinin argentinalı hücumçusu Lautaro Martinez Federiko Dimarkonun sol cinahdan ötürməsindən sonra hesabı bərabərləşdirib. Dərhal müdafiəçi Benjamin Pavard meydan sahiblərini hesabda irəli çıxarsa da, 76-cı dəqiqədə "Bavariya"nın müdafiəçisi Erik Dayer yekun hesabı təyin edib - 2:2.