Güləşçilərin reytinq xarakterli turniri başlayır

UWW Azərbaycan pəhləvanının görüşünü səbirsizliklə gözləyir 

Bu gün Xorvatiyanın paytaxtı Zaqrebdə güləşin hər üç növü üzrə reytinq xarakterli "Zaqreb Open-2025" beynəlxalq turnirə start veriləcək. Fevralın 9-dək davam edəcək bu turnirdə Azərbaycan böyük heyətlə (33 güləşçi) ilə təmsil olunacaq.

“Zaqreb Arena”da keçiriləcək turnirə sərbəst güləşçilərin çıxışı ilə start verəcək. Bu yarışa yiqmamiz baş məşqçi Xetaq Qazyumov, böyük məşqçi Cəbrayıl Həsənov və məşqçi Şərif Şərifovun rəhbərliyi altında 8 güləşçi ilə qatılacaq.

Bu səkkizlikdə isə İslam Bazarqanov (57 kq),

Nürəddin Novruzov (61 kq),

Əli Rəhimzadə (65 kq),

Kənan Heybətov (70 kq),

Ağanəzər Novruzov (74 kq),

Arseniy Djioyev (86 kq),

Abubakr Abakarov və Osman Nurmaqomedov (hər ikisi 92 kq) yer alıb.

Qadınların yarışında ölkəmiz Toğrul Əsgərov (baş məşqçi əvəzi) və məşqçi Ağahüseyn Mustafayevin rəhbərliyi altında 5 idmançı ilə təmsil olunacaq:

Elnurə Məmmədova (55 kq),

Jalə Əliyeva (57 kq),

Alyona Kolesnik, Günay Qurbanova ( hər ikisi 59 kq),

Zəhra Kərimzadə (72 kq).

Baş məşqçi Aleksandr Tarakanov, böyük məşqçi Rövşən Bayramov, məşqçilər Həsən Əliyevlə Kamran Məmmədov olan yunan-Roma güləşi üzrə yığma komandamız isə sözügedən turnirə aşağıdakı heyətlə qatilacaq:

Eldəniz Əzizli, Elmir Əliyev (hər ikisi 55 kq),

Nihat Məmmədli, Hüseyn Qəribov (hər ikisi 60 kq),

Murad Məmmədov, Ziya Babaşov (hər ikisi 63 kq),

Həsrət Cəfərov, Fərid Xəlilov (hər ikisi 67 kq),

Ülvü Qənizadə, Ruslan Nurullayev (hər ikisi 72 kq),

Sənan Süleymanov, Xasay Həsənli, Davud Məmmədov (hamısı 77 kq),

Qurban Qurbanov (82 kq),

İslam Abbasov, Rafiq Hüseynov (hər ikisi 87 kq),

Murad Əhmədiyev, Arif Niftullayev (hər ikisi 97 kq),

Beka Kandelaki, Sərxan Məmmədov (hər ikisi 130 kq).

Yarışda daha bir həmyerlimiz - I dərəcəli referi Vüqar Şükürov ədaləti qoruyacaq.

Bir məqamı da qeyd edək ki, Ümumdünya Güləş Birliyi (UWW) Azərbaycanın yunan-Roma güləşçisi Həsrət Cəfərovun serbiyalı idmançı Sebastyan Nada qarşı baş tutacaq qarşılaşmanı səbirsizliklə gözləyir. Bu haqda sözügedən qurumun rəsmi saytında məlumat verilib. 

İNTİQAM Məmmədov