Kamran Nəzirli: 

SOVET MÜDRİKLƏRİNİN PROTOKOLLARI-Qriqori Klimov

Qriqori Klimov ABŞ-da yaşamış rus mühacir yazıçısıdır. Onun vaxtilə böyük rezonans doğuran məşhur "SOVET MÜDRİKLƏRİNİN PROTOKOLLARI" romanı dünyanın bir çox ölkələrində çap olunub. Qeyd edək ki, keçmiş "KQB" generalının əsl adı İqor Borisoviç Kalmıkovdur. "KQB"dən qorunmaq üçün adını dəyişmişdi. 10 dekabr 2007-ci ildə Nyu York şəhərində vəfat edib. Yazıçı ilk dəfə Tarix ə Sosiologiyanı interpretasiya edərək marginal konsepsiya yaratmış və onu “Ali Sosiologiya” (“degenerologiya”) adlandırmışdır. Onun əsərlərinin mövzusu da əsasən bu konsepsiyaya əsaslanır və əksəriyyəti antisemit, homofob, konspiroloji və yevangelist məzmunludur. Klimov müxtəlif vaxtlarda “Azadlıq”, “Azad Avropa” radiostansiyalarında işləyir, SSRİ-dən olan mühacirlər cəmiyyətlərində fəaliyyət göstərir.

Onun əsərlərinin motivləri əsasında filmlər çəkilmiş, yazıçı bir çox nüfuzlu mükafatlara layiq görülmüşdür. “Sovet Müdriklərinin Protokolları” tarixi, psixoloji, sosioloji romandır. Mən bu kitabı 2016-cı ildə tərcümə etmişəm. Bu gün də aktualdır. Müxtəlif səbəblərə görə Azərbaycanda nəşriyyatlar bu əsəri çap etmədilər. Lakin romanın bəzi hissələri mətbuatda və mənim face-book səhifəmdə yer alıb. Ümidvaram nəşriyyatlar bu əsərə maraq göstərəcəklər.

* * * 

Qriqori Klimov

SOVET MÜDRİKLƏRİNİN PROTOKOLLARI

(tarixi-sosioloji romandan bir parça)

Azərbaycanda ilk dəfə. Rus dilindən tərcümə: Kamran NƏZİRLİ

...Əlbəttə, bütöv tayfa və xalqların nəslinin pozulması və kəsilməsi barədə yalnız şərti olaraq danışmaq mümkündür, çünki həmin tayfaların nəslinin kəsilməsi və zəifləməsi başlayanda bu, daha cavan və güclü qonşu xalqlara da sirayət edirdi. Və tarixin çarxı fırlanmağa davam etdi, bu dəfə artıq yeni formada. Qədim Yunanıstan da daxildən beləcə pozuldu, çürüdü və dağıldı. Qədim yunan eksponatlarının hansına baxsanız, orda yunan xalqının əcdadı sayılan məşhur ellin profilini görərsiniz, burnun üst hissəsi yoxdur, birbaşa və dümdüzdür. Müasir yunanlar isə antik ellinlərdən daha çox öz qonşuları, Kiçik Asiyadan olan insanlara bənzəyirlər. Beləliklə, Roma imperiyası da yadelli barbarların təzyiqi nəticəsində çökdü. Təbiətin bioloji tarazılığının qanunu belədir...

Mühazirədən sonra tələbələr təəssüratlarını bölüşürdülər. Strateji atom aviasiya birləşmələri qrupunun komandanı Borodin narazı-narazı donquldandı:

- Söz vermişdilər ki, Stalinin şəxsiyyətinə pərəstişini izah etsinlər, amma gör nədən danışdılar! Gör bir nədən, üzr istəyirəm ifadəmə görə, fallosdan danışdılar... Mən ömrümdə belə bir söz eşitməmişdim.

•

Bütpərəstlikdən danışandan sonra keçdilər xristianlığın tarixinə. Bu mühaizərələri professor Toptıqin oxuyurdu. O, DTK generalı mundirindəydi, hündürboy kişiydi, qalın saqqalı vardı. Dərs vəsaiti kimi tələbələr “İncilin tarixi” kitabını almışdılar.

Əlinizin altındakı kitab İncilin müasir dildə nəqlidir, - deyə professor bildirdi. – Nəzərə alın ki, kitabı ingilis dilindən hərfi təcümə ediblər. Yaxın keçmişin tarixinin bütövlükdə saxtalaşadırlmasından sonra sizin heç kimə və heç nəyə inanmamağa haqqınız var. O cümlədən bizə də. Bu baxımdan yanaşsaq, bizim proqramda prinsipcə neytral mənbələrə istinad olunacaq, daha doğrusu, xarici mənbələrə. Artıq bilirsiniz ki, tarixi inkişaf prosesində ölən sivilizasiyaları barbarlar əvəz edir. Marksist nəzəriyyə deyir ki, kapitalizmdən sonra kommunizm gəlir. Əgər Karl Marksa inansaq, yoldaşlar, tarixi nöqteyi-nəzərdən, biz də elə barbarıq. Yeri gəlmişkən, “barbar” latın sözüdür və mənası da “saqqallı” deməkdir, - general Toptıqin gülümsəyərək qalın saqqalını sığalladı. - Beləliklə, yoldaş barbarlar, gəlin özümüzü aldatmayaq, iki min illik xristian sivilizasiyasından ağıllı hesab etməyək. Bu günə kimi İncil bütün dünyada kitablar kitabı hesab olunur. Gəlin baxaq görək orda nə yazılıb? İncilin çoxsaylı müxtəlif təfsirləri var. Protestantlarda hər cür təriqət və sektalar ilin günlərindən daha çoxdur, elə İncilin də təfsirləri o qədərdi. İncilə and içsələr də, ta Allahı Şeytana dəyişən masonlara qədərdi təfsirlər... Axı biz İncilə dialektik materializm baxımından yanaşmağa çalışırıq. İncil iki hissədən ibarətdir. Əhdi-ətiq xristianlıqdan əvvəlki qədim hissədir, Əhdi-cədidə və ya Yevangeliyaya zəmindir, tərcüməsi də “Müjdə” deməkdir. Gəlin baxaq görək bu “Müjdə”nədən ibarətdir; nəzərə alaq ki, bu kitab çox rəmzi məna daşıyır, burada çox şeyi gərək rəmzi mənada anlayasan, birbaşa yox. Yevangeliya bəşəriyyətin və ya ayrıca götürülmüş insanın xilası haqqında Müjdədir. Buna görə də İsa Məsihi həm də Xilsakar adlandırırlar. Və buradan da məntiqi bir sual doğur: insanı kimdən xilas etməli? Yaxud insan nədən xilas olmalıdır?

Fikir verin, Qədim Kitabda (Əhdi-ətiq) heç bir yerdə Şeytanın adı çəkilmir. Orda Şeytan yoxdur. Hətta ilahiyyatçıların Şeytan hesab elədikləri və cənnətdə Həvvanı yoldan çıxaran İlan da Qədim Kitabda şeytan adlanmır, sadəcə İlan adlanır. "Şeytan” sözü ilk dəfə yalnız Əhdi-Cədiddə peyda olur: o, İsanı səhrada yoldan çıxarmağa çalışır. İsa Məsih cinləri, əcinnələri və şeytanları qovur və s. Əlbəttə, xiristian dininə qədər də şər qüvvələr və iblislər olublar, bizim bəhs etdiyimiz Şeytan da onların törəməsidir. Lakin “Şeytan” anlayışı, daha doğrusu, Allahın birbaşa rəqibi Yevangeliyanın və xristian dininin xarakterik xüsusiyyətini ehtiva edir. Sonralar, xristianlığın cəngavərlik dövründə, daha doğrusu, orta əsrlərdə, Şeytanla mübarizə cadugər və cinlərin təqibi formasında aparılır. Beləliklə, əgər şeytan Allahın birbaşa rəqibi və əksidirsə, onda məntiqlə belə çıxır ki, Yevangeliyada insanın məhz həmin o şeytandan xilas olmağından söhbət gedir. Növbəti sual: bəs o şeytan nədir belə?

Dini ədəbiyyatlarda Şeytana belə bir xarakteristika verilir: ”Şeytan- bəşər nəslinin düşmənidir, insanın qatilidir, ölüm mələyidir, ölümün dostudur və həyat oğrusudur.” Bundan başqa “şeytan dağıdıcı qüvvədir, böhtançıdır, yalançıdır, yalanın Atasıdır, Allahın meymunu, ədalətin qənimidir, Şərin mənbəyi, günahların köküdür.” Əgər bu tərif sizə azlıq edirsə, onda şeytan həm də insanları yoldan çıxarandır, bütün mübahisələri o doğurur, ixtilafları o törədir, dərdləri o gətirir, xalqlara xəyanət edir. Göründüyü kimi, şeytan çox xassəli bir şəxsiyyətdir, nahaq və qara işlərlə dolu bir məxludur. Axı bu iblis nə olan şeydi belə? Belə hesab olunur ki, şeytan Allahın meymunudu, o, bütün işləri gizlicə, qaranlıqda, tərsinə və əl altdan görür. Buna görə də şeytanı yaxalamaq üçün biz də onun formulası kimi hərəkət eədəcəyik: hər şeyi tərsinə görəcəyik.

İlk öncə sizə deyəcəm ki, əslində şeytan nədir, sonra onu keyfiyyətlərinə görə analiz edəcək, yəni hissə-hissə kəsib doğrayacaq, sintezini yapacaq, daha sonra isə onu ilk mənbələrlə tutuşduracağıq ki, görək həqiqətən o, bizim dediyimiz kimidi, yoxsa ayrı cürdü...

General professor ara verdi, auditoriyaya gözucu nəsər saldı.

- Bəli, sizə bir sirr də açım, məxfidir: dialektik materilazimə görə, şeytan nəsil pozğunluğu və degenerasiyanın mürəkkəb kompleks prosesidir, yəni orqanizmin bioloji və ruhi cəhətdən pozulması prosesidir. Bu da əsasən 3 hissədən ibarətdir: cinsi pozğunluq, psixi xəstəlik və orqanizmin bir çox fiziki deformasiyası… Bu kompleksin bir çox tərkib elementlərinə biz artıq rast gəlmişik: erkən fallik sitayişlər dövrü, yəni bir sıra qədim sivilizasiyaların çökməsi ərəfəsində. Çox ola bilsin ki, bu sivilizasiyaların çökməsi nümunəsinə əsaslanan təcrübi müşahidələrə görə, xristian dinində də bu kompleksə qarşı münasibət şeytana münasibət kimi büllurlaşıb və müəyyən bir forma şəklini alıb. Beləliklə, dialektik materializmə görə, ordakı bütün cinlər, əcinnələr, iblislər, natəmiz və şər qüvvələr obyektiv reallıq olurlar. Bu da sanki müxtəlif növlü psixi və ruhi xəstəliklərdir. Qəlb ruh deməkdir. Ruhi xəstəlik də məkrli ruh deməkdir, şeytani və şər qüvvədir.

Marksist didaktikanın metodundan istifadə edərək bütün bunların, yəni cinlərin, şeytani şər qüvvələrin, pis ruhların, qulyabani və cadugərlərin hamısının insan olduğunu, onların da içində şər qüvvələrin və ruhların olduğunu anlamaq çətin olmaz. Daha doğrusu, bu adamlar psixi və ruhi cəhətdən qeyri-sağlam və xəstə adamlardır…

Auditoriyada yüngülcə səs-küy yarandı. Professor Toptıqin yenə saqqalına çığal çəkdi, davam elədi:

- Yoldaş sovet hökumətinin üzvləri, görürəm bəziləriniz heyrətləndiniz və təəccüblənirsiz… Görünür, düşünürsünüz ki, ay əmi, ay dayı, axı bizim nəyimizə lazım sənin cadugərlərin və ya qulyabanilərin, özü də sosialist realizmi əsrində?

Qoy sizə deyim nə üçün lazımdı? Kommunist Partiyasının XX11 qurultayından sonra özünüz də bilirsiniz ki, sizin tanıdığınız İosif Vissarionoviç ruhi xəstəydi, paranoik idi. Yunanca “paranoya” sadəcə ağılsızlıq, dəlilik deməkdir. Bizim zəmanədə “paranoik” deyəndə xroniki ruhi xəstəlik başa düşülür; bu da onunla xarakterizə olunur ki, ruhi xəstələr sərsəm ideyalar daşıyıcıları, Allahlıq iddiasına düşənlər, əzabvermə, gözümçıxdıya salmağa mübtəla olan və s. adamlardı. Allahlıq iddiasından da Stalinin şəxsiyyətinə pərəstiş yaranıb. Bi iddiadan isə sonsuz işgəncə və əzabvermə azarı, təqiblər, təmizləmə əməliyyatları, güllələnmələr, həbs düşərgələri doğulub. Lakin məsələ bundadır ki, ruhi xəstəlik, yəni paranoya, bütün bunlardan savayı, həm də orqanizmin bioloji və ruhi cəhətdən pozulması (degenerasiya) kompleksinin ən təhlükəli tərkib hissələrindən biridir. Beləliklə, görünən budur ki, yoldaş Stalin şeytandan doğulub. Bu o tip adamların əyani nümunəsidir ki, keçmiş zamanlarda onlara cadugərlər, qulyabanilər deyirdilər, sözün ən pis mənasında...

Atom aviasiyası qoşun birləşmələrinin komandanı Borodin yanında oturan dostunun, sualtı atom gəmiləri qoşun birləşmələrinin komandanı Kalyujnının çiyninə yüngülcə toxundu.

- Hmmmmm... bu da təzə çıxdı....

- Nəsilpozulma, cinsi pozğunluq prosesi – kütləvi prosesdi, - deyə general-professor davam elədi. - Buna görə də İncildə şeytana həm də belə deyirlər: mənim adım legiondur. Bu da fövqalədə çəlpəşik (dolaşıq) bir şeydi. Buna görə də ilahiyyatçılar deyirlər ki, şeytan – dəhşətli dərəcədə hiyləgər, çaşdırıcı və dolaşıq varlıqdır. Siz bu cinsi pozğunlar legionu arasında günah işlədənlərə də, möminlərə də, hətta ən müqəddəs sayılan insanlara da rast gələ bilərsiniz. Onlar arasında günahkarlar və müqəddəslər, müqəddəslər və günahkarlar bir-birinə qarışıb. Siz burda xeyirlə şərin, şərlə xeyirin qarışdığnı da görərsiniz. Təəssüf ki, bu legiona baxanda görərsiniz ki, möminlərlə müqəddəslər adətən azlıq təşkil edir, günah işlədənlər isə çoxdur. Bu da elə sosial şərdir, bir zamanlar ona natəmiz ruh, yəni şeytan deyirdilər. Vicdanı ləkəli olan bu adamlar arasında bəzən əsl cadugərlər və qulyabanilər olur. Və statistikaya görə, vicdanı ləkəli olan adamların payına dünyada baş verən cinayətlərin əksəriyyəti düşür – istər məişət, istər siyasi, istərsə də hüquq zəminində baş verən cinayətlər olsun. Təəccüblənməyəsiniz deyə, bir neçə konkret misal gətirəcəm.

İnsan nəslini bioloji yolla yaxşılaşdırmaq haqqında elmi məsələlərə həsr olunmuş Beynəlxalq konqresdə (1932-ci ildə Nyu-Yorkda keçirilib) elmi mütəxəssislərdən biri elə beləcə də bildirib:”Heç bir şübhə yoxdur ki, əgər Birləşmiş Ştatlarda təmizlənmə haqqında Qanun həyata keçirilsəydi, nəticədə biz yüz ildən sonra ən azı 90% cinayətləri, dəliliyi, ağıldan kəmliyi, idiotizmi, pozğunluğu, cinsi və ruhi pozğunluğu məhv edərdik, mən hələ müxtəlif formalı qüsurlu və ruhi pozğunluğu olan adamları demirəm. Beləliklə, yüz il ərzində bizim dəlixanalar, dustaqxanalar, psixatrik klinikalarımız insan kədəri və iztirablarının qurbanlarından tamamilə təmizlənərdi”. –Bunu Nyu Yorkdakı Kolumbiya Universitetinin professorları Dann və Dobjanski “İrsilik, irq və cəmiyyət” adlı kitablarında yazırlar. (səh.86). Kitab 1957-ci ildə Nyu-Yorkda çap olunub. Baxın, siz burda da həmin o kompleksin tərkib hissələrini görürsünüz: nəsil pozğunluğu, cinsi pozğunluq və ruhi xəstəlik. Və nəticə: 90% cinayət! Bu formulanı yadda saxlayın.İnqilabdan qabaq məktəblərdə Allahın Qanununu öyrədirdilər. Biz isə indi sovetin yeni Allah Qanununu - ali sosiologiyanı öyrədirik. Bütün bunları marksizmin dialektik materializm təlimi əsasında analiz etdiyimizə görə nəticədə sanki dialektik xristianlıq alınır. Bu da elə bilin ki, Canlı həyat Suyudur, xristianlığı canlandırmaq, dirçəltmək üçündür; bunun nə olduğunu başa düşmək lazımdır…

Orta məktəbdə siz Nyutonun mexanika qanunlarını öyrənmisiniz, onun üç qanunu yadınızdadı; indi isə ali sosiologiyanın əsas qanunlarının BİRİNCİsini yadda saxlayın: biz onu sadəcə Kalmıkovun 1-ci Qanunu adlandıracağıq. Kalmıkov bizim professorlardan biridir, onunla bu yaxında tanış olacaqsınız.

Beləliklə, yuxarıda deyilənləri nəzərə alaraq Kalmıkovun 1-ci Qanunu belədir: “90% cinayətlərin (hüquqi, siyasi), insan nəslinin bütün bəlalarının, ərin arvaddan boşanmasından tutmuş ta dünya müharibələrinə və inqilablarına qədər bəlaların 90%-i irsən orqanizmin bioloji və ruhi cəhətdən pozulmasının (irsi degenerasiyanın) nəticəsidir, bu da psixi xəstəliklərdən və cinsi pozğunluqlardan ibarətdir”…Buna görə də ta qədimdən bu hala Şeytan deyilir…

(ardı var)

Ruscadan çevirdi: Kamran NƏZİRLİ