Xatirə Rəhimli: 

Ağrı-acı dolu tale yaşayan bu xalq nə etsin, əlac nədir?

Hər bir xalq öz ictimai-siyasi müqəddəratını həll etməyi mütləq şəkildə bacarmalıdır...

Belə olmazsa, o xalqlar məhvə doğru gedər...

Məlum məsələdir ki, neçə illərdi Azərbaycan xalqının sosial-iqtisadi durumu çox ağır, dözülməz və çox acınacaqlı gündədir.

Görəsən vətəndaşlar belə bir sualı özünə ünvanlayırmı ki, nə səbəbə görə çətin və məşəqqətli gündə, səfalət içində yaşayır?

Azərbaycan zəngin neft-qaz ölkəsidir. Milyonlar səltənəti olan bu ölkədə xalqın 80 faizi sosial baxımdan çox böyük əziyyət çəkir.

Azərbaycanda ən ciddi problemlərdən biri də yeni iş yerlərinin açılmamasıdır.

Elə bu səbəbdən işsiz vətəndsşların sayı həddindən artıq çoxalıb.

Hətta minlərlə vətəndaşların yaşamağa mənzili yoxdur. Buna gödə də vətəndaşlar kirayələrdə, daxmalarda, zirzəmilərdə əzablı günlərlə, min bir çətinliklə üz-üzə qalaraq, zülm içərisində ürək ağrıdan ömür sürür.

Milyonlar səltənəti olan ölkənin vətəndaşları nə üçün ev-eşiksiz, mənzilsiz olmalıdır axı?

Belə bir sual yaranır. Görən hanı bəs çoxlu sayda təbii sərvətlərdən dövlət büdcəsinə daxil olan milyonar, milyardlar?

Kimlərin cibinə gedir bu maliyyə vəsaiti?

Neftdən-qazdan əldə edilən gəlir xalq arasında niyə şəffaf şəkildə bölünmür?

Neçə illərdi ki, işsizlik hökmranlıq edir.

Belə olan halda ölkədə zavodlar, fabriklər nə üçün tikilmir? İri sənaye müəssisələri niyə yaradılmır? Axı nə üçün?

Aidiyyəti qurumların rəhbərliyi məgər bilmir ki, işləmək üçün iş yerləri yoxdur bu ölkədə?

İstehsalat sahələri yaradılsa, yeni iş yerləri açılsa, işsiz vətəndaşlar işlə təmin olunar.

Şair-jurnalist kimi mənə elə gəlir ki, Azərbaycan hökuməti bu ciddi məsələlərlə bağlı tez bir vaxtda düşünməlidir və həm də yubanmadan lazımi tədbirlər görməlidir.

Vəzifəli şəxslər, məmurlar vətəndaşların üzləşdikləri problemləri həll etməlidir.

Bu, birmənalı olaraq belə olsun gərək.

İşsiz vətəndaşların pulu olmadığı üçün soyuducular da boşdur. Sirr deyil ki, illərdi sosial-iqtisadi baxımdan xalqın vəziyyəti çox ağırdır, məşəqqətlidir, ürəkaçan deyil.

Bir ciddi məsələni də qeyd etmək istəyirəm.

"Uşaqpulu" da verilmir. Hansı səbəbə görə?

Xalq səfalət içindədi, dilənçi kimi yaşayır.

Minlərlə ailə yoxsulluq içində ac-yalavacdı.

Aidiyyəti qurumların rəhbərliyi isə susur.

Xalq çox dözülməz günlərlə baş-başa qalıb.

Belə bir ədalətsiz ölkədə ömür sürürük.

Haqsızlığın olduğu məmləkətdə yaşayırıq.

Bu xalqın taleyinə baxın... Dəhşətdi vallah.

Neçə ildi məzlum günə düşən zavallı XALQ.

Məmurların isə qəti vecinə deyil bu XALQ.

Allah da bu ədalətsizliyə susur, məmurlar da.

Ağrı-acı dolu tale yaşayan bu xalq nə etsin, əlac nədir? Nədən bu xalq öz müqəddəratını həll edə bilmir? Bunun üçün xalqda iradə olmalıdır. Xalqlar öz iradəsini ortaya qoya bilməyəndə deməli məhvə doğru addım atır.

Hər bir XALQ düşünməli, öz ictimai-siyasi müqəddəratını həll etməyi bacarmalıdır.

Buna görə hər bir XALQın ictimai-siyasi iradəsi olmalıdır. Bunun başqa yolu yoxdur.

Xalqlar mübariz ruha köklənməyi bilməlidir.

XATİRƏ ƏZİZ Rəhimli

Şair-jurnalist

30 aprel 2026